|
 |
Ongi etorri BilbaoBilbao.com web orrialdera |
“BILBAO_BILBAO Zikloturisten Martxa” 1988. urte
inguruan sortu zen, eta bi ezaugarri izan ditu batez ere bereizgarri
hasiera-hasieratik; batetik, bere izaera berezia, eta bestetik,
urtero-urtero parte-hartzaile asko eta era askotarikoak izaten
dituela.
Lehen ezaugarriari dagokionez, funtsezkoa izan da Proba hau
zikloturistei zuzenduriko gertakaritzat ulertu izana hasieratik,
eta hortaz, ziklista guztiei ateak ireki izana. Beraz, poztasun-iturri
izan ohi da bertan parte hartzen duten guztientzat. Horrexegatik,
hain zuzen ere, BILBAO-BILBAO proban era askotariko parte-hartzaileekin
egiten dugu topo. Azken batean, bizikleta maite duten eta kirol
eder hau eginez gozatua hartzen duten guztiek har baitezakete
parte bertan.
Bigarren ezaugarriak, berriz, BILBAO-BILBAO probaren definizioaren
eta ezaugarrien berri ematen du, eta parte-hartzaileen eskura
jartzen diren era askotariko baliabideak hartzen ditu kontuan.
Haien bidez, parte-hartzaile bakoitza “Martxako”
benetako protagonista sentitzen da egun horretan.
Hortaz, eta printzipio horien arabera, ez da harritzekoa BILBAO-BILBAO
proban 5 aldiz ematea irteera. Irteerak 15 minutuan behin ematen
dira. Gainera, ez da inolako sailkapenik egiten, eta horrek
aukera ematen dio parte-hartzaile bakoitzari “martxa”
nahi duen eta komeni zaion bezala egiteko, betiere helmugara
iristeko ordua errespetatuz. Une horretan, garaikur polit bana
jaso ohi dute parte-hartzaileek.
Aitortu beharrean gara, urte hauetan guztietan lortut????šako emaitzek
harridura eragin zigutela hasieran, nahiz eta hori pozgarria
den betiere. Poztasun hori errepikatu egiten da milaka zikloturistak
BILBAO-BILBAO proba gogo handiz egiten duten bakoitzean eta
bizipen atsegingarriak lortzen dituztenean. Horregatik bilakatu
dira horietako asko, hain zuzen ere, urteroko parte-hartzaile.
Datorren apirilaren 6an zain
izango gaituzu! |
|